-

الرئيسيةمكتبة الصورس .و .جبحـثقائمة الاعضاءالمجموعاتالتسجيلدخول

اخر المواضيع

جديدتحميل لعبة الاكشن والمغامرات الرائعة Legend of Kay Anniversary 2015اليوم في 11:14 am من طرفنبض العيونجديدبرنامج تحديث وتنزيل تعريفات الكمبيوتر DriverMax 9.11.0.29اليوم في 10:53 am من طرفنبض العيونجديدبرنامج الحماية من الفيروسات Microsoft Security Essentials 4.10.209.0اليوم في 10:22 am من طرفنبض العيونجديدتحميل لعبة الأكشن والمغامرة الرهيبة Cabelas African Adventures 2013أمس في 03:33 am من طرفنبض العيونجديدتحميل لعبة الأكشن و المغامرات 2009 Bionic Commandoأمس في 02:41 am من طرفنبض العيونجديدتحميل برنامج تشغيل الفيديو والافلام زووم بلاير العملاق Zoom Player Home Free 12.7أمس في 02:12 am من طرفنبض العيونجديد:جافا سكربت: كود جديد لوضع زر اضافي للصندوق الماسي للتحكم في حجم الصندوق03/12/16, 11:35 pm من طرفزمــردةجديد:جافا سكربت: تطوير شامل الى صندوق الكتابة والرد السريع لاحلى منتدى 201503/12/16, 10:32 pm من طرفزمــردةجديدتنزيل موزيلا فايرفوكس Mozilla Firefox 50.0.203/12/16, 07:16 am من طرفنبض العيونجديدتحميل برنامج انترنت داونلود مانجر Internet Download Manager 6.26.14 احدث اصدار02/12/16, 04:45 pm من طرفنبض العيون

تم النشر بقلم :ليالي مصريه:13/01/13, 08:26 pm - -

 المشاركة رقم: #1
الاداره
تواصل معى
معاينة صفحة البيانات الشخصي للعضو
بيانات اضافيه [+]
 الجنس : انثى
 عدد الرسائل : 12641
 الموقع : لــــــيالي مصرية
 المزاج : ميه /100
 نقاط : 35047
 تاريخ التسجيل : 08/10/2011
 رأيك في العضو/هـ : 11
لوني المفضل : Tomato
قومي اعملي تشيز كيك ..
َ

ََالسلام عليكم ..

ازيكم يابنات وحشتوني جدا جدا جدا ... ونفسي انزل مواضيع جديده بس مبعرفش
انزل موضوع وخلاص ... وزهقت بقه من الصبغات والحنة والتجميل والكلام
داهوووووون .. (( واخدين بالكم من داهون ))


وقولت قومي اعملي تشيز كيك
... الموهم اني جبت طريقة تشيز كيك من مجلة نستلة الامريكية .. ولما عملت
المقدار لقيتو مسخوط كدا .. وكمان مكلف .. ومش هيكفي صينيه صغنونة بتاع 4
افراد ... قولت انا بقه هاخد خبرتي من قرايتي ف التشيز كيك ...

وازود بعض الحاجات على المقادير ... بس هتدينا كمية اكبر .. وكمان عملت حاجات ف البيت عشان اوفر الشراء من بره

وماشاء الله تبارك الله طلعت تحفــــة ... ومن بعدها ضبطت المقادير ..
وقولت متغلاش عليكــــم انزلهالكم .. بس لازم اخد براءة اختراع بقــــه



التشيز كيك الى هنزلهالكم دي ... على فكرة بتتحط ف الفرن ... وانا ان شاء
الله هعملكم واحده تانيه وبطريقه تانيه على حمام ماية سخنة ف الفرن
وعندي مقدار تاني كمان عالبارد كنت نزلته قبل كدا في الرابط دا



قبل ما اوريكم الصـــور عاوزة اقولكم ان لطيفة دي انسانة محترمة جدا جدا جدا ... ومن غير ما اقولكم كلكو بتحبوها انا عارفة
ولله الفضل ثم ليها انها تخليني اقف ف المطبخ واتشجع واعمل حلويات
عشان كدا بهديها الموضوع دا .. ومستنيه منها كل الملاحظات ^_^ استاذتي طبعا


تعالو شوفو شكل تشيزي الحلو الطعم الجميل الفخـــم جدا ....





صور تشويقيـــــــة ^_^






نبدأ بسم الله شمرو الكمام كدا وانا اصلا بحب احضر الحاجه من قبلها لاني لو حسيت بكركبة وزحمه بتوتر وبفصل فجأة

هههههههههههههه اه والله بعطل ...

اكيد مش هعرف اعمل عزومات في بيتي لما اتجوز ان شاء الله



اولا : تحضير الحليب المكثف المحلـــى .. ودي اختيارية في ناس ملهاش ف
الحاجات البيتي هتشتري علطول لكن انا شايفاه سهل ومش هياخد منك حاجه وطعمو
حلو لانه بيضيع مع التشيز ...


لتحضير الحليب المكثف :

كوب لبـــن حليب ( أو كوب ماء + 3 ملاعق كبار لبن بودرة )
كوب سكـــر
ربع ملعقة صغيرة زبـــدة



الطريقــــة : توضع المقادير كلها في اناء او كسرولة غويطة على نار هاديه مع التقليب المستمر ...
هنلاحظ بعد سخونة الخليط انه هيفور واحنا هنفضل نقلب .. وهنسيبه على النار نصف ساعه وكل 5 دقايق كدا يتقلب
وانا قولت حاجه غويطه لانه بيفضل يفور فـ لازم تسيبيه ياخد راحته عشان ميقعش ..




وبعد نص ساعـــة لونه اتحول لأصفر وبقه لـــزج ولسه لما بيبرد كمان بيتقــــل وسيبي الخليط بقــه يبرد
انا بعمل منه وبحطه ف ازازة ف التلاجه وبستخدمها وقت الحاجة ..

وادي صورة زووم لشكلو وهوا لسة سخـــن





----------------------------


ثانيا : جناش الشيكولاتة الســآيحة مقتبسة من حبيبتي لطيفة :

نصف كوب كريمة شانتيه سايله او معلقتين كبار كريمة شانتيه مذابة في نصف كوب ماء ... ( مبحبش اضيف سكر عشان متبقاش مسكرة زيادة )

مع مكعب ونصف من الشيكولاتة الخام ( أو كوب شيكولاتة خام مبشورة )
انا بستخدم نوع الشكولاته دا من محلات الحلويات وممكن تجيبيها بالربع او النصف كيلو



[IMG][/IMG]
الطريقة : يسخن الكريم شانتيه في كسرولة على النار حتى يغلي وننزل بالشكولاته الخام على الخليط ...
لو كانت مبشورة خلاص ارفعيه من النار وهوا بيذوب من حرارة الكريمة
لو كان مكعب بتسيبيه دقيقه على النار وتقلبي طبعا عشان متتحرقش .. وبعدين تطفي النار هتلاقيه بتسيح وتفضلي تقلبي فيها
هتتحول لسائل ... غامق ومش تقيل قوي ... بس بعد ما يبرد
هيتقل ويكون صوص قوامه منااااااااااااااســـب جدا
زي الصوره كدا





َ
َََتحضــــير قاعدة التشيز كيك ...


كوبين ونصف بسكويت مطحون او متكسر ... وانا بحب بسكويت اولكر بحب النكهة الى فيه جدا ...
او اي بسكويت يكون سادة اهم حاجه ...
1/3 ثلث كوب زبدة سايحه ...

(مرة ملقتش بسكويت وخبطت معايا اعمل تشيز كيك جبت بسكويت من بتاع العيد دا الى بيتعمل ف الفرن وطحنته والله محدش عرف ههههههههه)



الطريقة .. تصب الزبدة فوق البسكويت وتعجن باليد لحد ما يتجانسو مع بعض تماما .. وتفرد في صينية التشيز كيك
وصراحه مفيش غنا او بديل عن صينية التشيز كيك .. لربمــآ ماتكونش عندك تقدري تبطني الصينية بورق فويل ساعتها



-----------------------------------

تجهيز كريمـــة التشيز كيك ... الكل في الكل والاساس ف الموضوع ...

3 كوب جبن كريمي .. (وفي منها دلوقتي جبنة ارخص من كرافت وكيري العلبة البلاستيك متاحه ف اي سوبر ماركت ب 10 جنيه )

1 كوب حليب مكثف

2 علبة زبادي او قشطـــة

عصير ليمونة ونصف

معلقة جيلاتين مذابة في فنجان ماء ساخن ( اختياري وليس اجباري )

كوب كريمة لباني بودرة او شانتيه

1/3 كوب سكـــر .. ودا لو الكريمة لباني .. اما لو كانت شانتيه بتبقى محتوية على سكر فـ تخليهم معلقتين كبار سكر فقط

2 بيضــة

2 معلقة لبن بودرة


(( ماشاء الله تبارك الله الخلطة دسمــة وحلوة جدا وهتديكي صينية مقاس 26
وبارتفاع كبير ف ممكن تعملي نص الكمية دي لصينية صغيره او تقسميها للتلتين
.. فهمني ))
انا عملت المقدار دا ضاعفته في اتنين وعملت 3 صواني واحدة 26.5 و 25 و 22 عشان ماشاء الله تبارك الله والدتي لازم توزع عالعيلة



الطريقة

تخلط جميع المكونات مع بعضها البعض وتضرب بالمضرب جيدا حتى تتجانس ...



وادي شكل الخليط الكريمي






َ
َََ


هاندخــــل الصينية الفـــرن .... على درجة حرارة 200 ..

ونسيبها لمدة 25 دقيقــــة ...

لونها مبيتغيرش خالص ... هيا بس بتعمل طبقة خفيفــة فوق الوش زي الجلد كدا



بصو من قريب عامله ازاي




هانسيب الصينية تبرد لمدة ساعتين عشان لو فردنا عليها اي حشوة دلوقتي تاخدها وتغطس طبعا ^_^

فـ ممكن نسيبها ساعتين تبرد او نسيبها ف التلاجه 6 ساعات ونطلعها نحط التزيين وندخلها تكمل تبريد


الشيكولاته هنا بدرجة حرارة المطبخ ..



. وماشاء الله بتتفرد بسهوله بصو ازاي





َ
َ
ََََََالافتتاح بقـــــــــآ
َ
َََ
ومتعة التصوير مع اني مصورتش ف اضاءة حلوة بس يللا زي بعضو

َ
َ
ََ
مدة تبريد التشيز كيك اقل حاجه 15 ساعة ... عشان تكون جمدت وبعدها تتقطع

عشان لو اتقطعت قبل كدا هاتكون لسه سايحه وكريمية لازم تتماسك ..





ودي بقـــآ ^_^



ومن هنااا



والاتجاه المعاكس



وكمان زاوية احترافية بقه هههههههههههههههههه




واخيرا اول قطمــــــــــــــــة








مش هاطلب منكم اي حاجه غير تدعولي ربنا يرزقني السعـــآدة والرضا ...


َ
َ
َ
َ

َ
ََ


تم النشر بقلم :ليالي مصريه13/01/13, 08:26 pm    

تعليقات القراء



الموضوع الأصلي : قومي اعملي تشيز كيك .. // المصدر : منتديات ليالى مصرية // الكاتب: ليالي مصريه
توقيع : ليالي مصريه




 
    H A M S S A








الإشارات المرجعية



الــرد الســـريـع

رفع الصور رفع فيديو أغانى فوتوشوب ترجمة رموز الكتابة ردود جاهزة صندوق متطور



مواضيع ذات صلة



تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة